Waziri wa madini afurahishwa na uongozi wa kampuni ya madini ya dhahabu ya Geita{GGML}

 

Waziri wa Madini, Dotto Biteko ameipongeza Kampuni ya Uchimbaji wa Madini ya dhahabu - Geita (GGML) kwa kuwa mfano katika kuchangia utekelezaji wa miradi ya maendeleo katika Mkoa wa Geita.

Kiongozi huyo ametoa kauli hiyo katika ziara fupi aliyoifanya mkoani Geita na kukagua miradi inayotekelezwa na Kampuni ya GGML chini ya mpango wake wa kusaidia jamii (Corporate Social Responsibility) katika Mji wa Geita.

Amesema kuwa lengo la Serikali ni kuona maisha ya watu katika maeneo yote yenye rasilimali ya madini, ikiwemo Geita yanabadilika kiuchumi na kwamba anafurahishwa na namna ambavyo Serikali ya Mkoa wa Geita inavyosimamia ukusanyaji wa mapato kutoka kwenye sekta ya madini.

"nukuu"

"Tayari tumeshafikia lengo la kukusanya zaidi ya Sh bilioni 400 kwa mwaka wa fedha unaoishia Juni 2020 kutoka kwenye sekta hii, na sehemu kubwa ya makusanyo haya imetoka Geita, hususan GGML. Inatia moyo sana kuona sekta hii sasa inachangia zaidi ya asilimia 5 ya uchumi wa nchi yetu. Lengo ni kuhakikisha kwamba sekta ya madini inachangia asilimia 10 ifikapo mwaka 2025,"amesema Waziri  Biteko.

 

Moja ya miradi ambayo ilikaguliwa na Biteko katika ziara yake ni ujenzi wa Kanda maalumu ya uwekezaji "Special Economic Investment Zone" ambao utasimamiwa na Mamlaka ya ukanda maalumu wa Uwekezaji (EPZA) na Halmashauri ya Mji wa Geita.Pia ametembelea miradi mingine ya kimkakati inayofadhiliwa na GGML, ikiwemo ujenzi wa Soko Kuu la Geita Mjini na soko la Katundu.