Mbunge wa Rombo Joseph Selasin,ashukuru serikali kuendelea kutoa elimu dhidi ya virusi vya Corona

Na Jackline Kuwanda, DODOMA.

Katika kuzuia kuenea kwa maambukizi ya ugonjwa wa homa kali ya mapafu inayosababishwa na virusi vya Corona (COVID-19) ,Wananchi katika wilaya ya Rombo mkoani Kilamanjaro wameendelea kuelimishwa juu ya namna ya kuchukua tahadhari dhidi ya ugonjwa huo.

Akizungumza mkoani hapo,Mbunge wa Rombo Joseph Selasin amesema kuwa anaishukuru serikali ya wilaya ya Rombo pamoja na serikali ya mkoa wa Kilimanjaro kwa kufanya kazi kubwa ya kuelimisha wananchi hao namna ya kujikinga na ugonjwa huo.

Wakati huo huo Mbunge huyo amesema watu wamelipokea suala hilo kwa kuendelea kujikinga na kufuata maelekezo yote ambayo yemetolewa na wizara ya afya.

Amesema wananchi wake wako tayari kupokea ushauri wa serikali na wataalamu katika kutekeleza hilo, kwani hiyo itasaidia kuondosha maambukizi ya ugonjwa huo.

Akizungumzia hali ya utalii katika jimbo hilo,amesema sekta hiyo haijapata msukumo wa kutosha.