Njombe:Wakulima wazidi kufikiwa na bima ya mazao

 

Na Amiri Kilagalila,Njombe

Wakulima na wafugaji mkoani Njombe wamesema kuanzishwa kwa bima ya Mazao kutawafanya wakulima kufanya kilimo na ufugaji wenye tija ambao utawafanya kupiga hatua kiuchumi.

Baadhi ya wakulima wakizungumzia hatua hiyo,mara baada ya uzinduzi wa bima ya mazao mkoani hapa uliofanywa na serikali kwa kushirikiana na makampuni ya kilimo pamoja na wakulima akiwemo Grace Sambala na Frolence Tadei. Wamesema kwa kipindi kirefu wamekuwa wakipata wakati mgumu wanapokutana na majanga kama ya ukame,mafuriko,wadudu na mengine.

“Ni majanga mengi tunayokutana nayo mfano ukame kwa mfano mvua inaweza ikanyesha halafu ikasimama kwa kipindi kirefu .lani pia tunaomba bima hii ije itolewa hata kwenye mifugo”alisema Grace

Awali akifafanua juu ya namna ya kujiunga na bima hiyo ya majanga ,Mratibu wa shirika la bima la taifa-NIC Prosper Peter anasema ni majanga ya ukame,mafuriko,mvua za mawe na mengine mengi katika kilimo cha Mahindi na Mpunga ndio waliyoanza kutoa bima

“Mwaka 2017 serikali na taasisi zake ilikuja na mpango huu wa kuhakikisha tunatengeneza huduma ya bima ambayo itaenda kuwanufaisha wakulima pamoja na wafugaji.kwa hiyo mkulima akipata hasara ambayo inatokana na haya majanga na ikasibitika basi huyo yuko lazi kufidiwa”alisema Prosper Peter

Kwa upande wake meneja miradi wa taasisi ya TAPBDS Rahim Manji ambao ndiyo waratibu wa mafunzo kwa wakulima na mauzo ya bima pamoja na Sady Mwang'onda kutoka kampuni ya Mtewele general Traders ambao ndiyo wakala wa mikoa ya Njombe, Ruvuma wanasema ujio wa huduma hiyo unakwenda kumaliza changamoto zulizokuwa zikiwatesa kwa muda mrefu.

“Sisi kama mtewele General Traders kwa kushirikiana na wenzetu kwa hapa Njombe pamoja na Ruvuma sisi ndio tutakuwa wasambazaji au watoa huduma wa hii bima ya mazao”alisema Sady Mwang'onda kutoka kampuni ya Mtewele general Traders

“Tupo kwa ajili ya kuona umuhimu wa kuwasaidia wakulima wadogo wadogo kwa kuwa mkulima huyu mara nyingi akilima huwa anasubiri anaomba Mungu”alisema Rahim Manji

Bima hizo zitalipwa kwa mfumo wa vocha ambapo vocha moja inauzwa shilingi elfu tano ikiwa na thamani ya mtaji wa shilingi elfu 50.Aidha licha makampuni hiyo kuanza utoaji huduma hiyo ya bima lakini pia baadhi ya maeneo mengine ya mkoa wa Njombe na Tanzania katika mazao tofauti wameendelea kupokea huduma hiyo ya bima mazao.