Harmashauri ya wilaya ya Chemba yafanya jitihada kutafuta umeme unaotokana na upepo

Na Jackline kuwanda

Mkuu wa wilaya ya chemba Mh Saimon  Odunga amesema katika kuendelea kuimarisha kilimo cha umwagiliaji kwa wakulima,serikali imefanya jitihada ya kuwapelekea umeme wa gridi ili kuendesha mitambo ya umwagiliaji.

Akizungumza na kituo hiki amesema pamoja na kupeleka umeme huo bado wakulima wanachangia fedha nyingi na kusababisha  gharama kuwa kubwa hivyo wanafanya jitihada kupitia wadhamini ili kununua solar zitakazosaidia kupunguza gharama hizo.

Ameongeza kuwa Halmashauri hiyo inafanya jitihada kupata umeme wa upepo na kuachana na matumizi ya umeme wa gridi kwa wakulima wa kilimo cha umwagiliaji walayani humo.

Odunga amesema Kilimo cha umwagiliaji kimechangia mwamko mkubwa kwa wakulima licha ya hivi karibuni kuwepo kwa changamoto nguvu ya kuendesha mitambo.

Katika kuhakikisha kilimo cha umwagiliaji kina kuwa na tija kwa wakulima Halmashauri hiyo imeweka vikundi vya vijana ambao wamepewa mkopo wa kulima mashamba  ya umwagiliaji ili kujiingiza kipato.