Wakulima waomba elimu ya Parachichi kushambuliwa na wadudu

Wakati msimu wa uvunaji wa matunda ya Parachichi Ukiwa umewadia mkoani Njombe, wakulima wanaojishughulisha na kilimo hicho  wameiomba serikali kuwasaidia wataalam watakaowapa  elimu  ya kuondokana na changamoto inayopelekea matunda kushambuliwa na wadudu na hivyo kushindwa kukidhi hitaji la soko la Dunia.

Kwa siku zinahitajika tani mia moja za  parachichi zitakazonunuliwa na mataifa ya Ufaransa na Dubai kutoka mkoani Njombe Ambapo juhudi za wakulima wa zao la Parachichi zinaelezwa zinakumbana na changamoto ya matunda yao kushambuliwa na wadudu shambani.

Baadhi ya Wakulima wa Tunda hilo ni Pamoja na Elina Msemwa huku  Felis Mgaya ambayeni  Katibu wa Kikundi cha Wakulima wa Parachichi wamesema bado zao hilo linaendelea kukabiliwa na changamoto kutokana na sasa kuwa zao kimbilio mkoani Njombe.

Katika kijiji cha Mlevela wilayani Wanging’ombe mkoani Njombe kikundi cha wakulima wa Parachichi cha KIWAMU chenye jumla ya wanachama 78 ambacho kilianzishwa mwaka 2008 wakiungana kuuza matunda ya parachichi kwenye ushirika,baadhi ya wakulima Akiwemo Bityseba Chengoma na Julius Msigwa wanasema kufanya kazi za kilimo kwa pamoja kumewasaidia kukabiliana na changamoto ambazo ni ngumu kushughulikiwa na mtu mmoja mmoja.

Jitihada za kutafuta masoko kwenye mataifa mbalimbali ulimwenguni zinaelezwa zimekuwa na manufaa baada ya Asasi ya NSHIDA inayowaunganisha wakulima wa matunda ya Parachichi mkoani Njombe  Chini ya Mkurugenzi Wake Frank Mgaya kusaidia kutafuta masoko,kuwashawishi wanunuzi wa matunda na kutoa bei nzuri kwa mkulima.