Taasisi ya New Life Foundation ya mkoani Kilimanjaro imeanza kuhudumia kambi ya wazee iliyopo kata ya Mji mpya

 

Taasisi isiyo ya kiserikali ya New Life Foundation ya mkoani Kilimanjaro imeanza kuhudumia kambi ya wazee iliyopo kata ya Mji mpya ikiwa ni sehemu ya Programu yake ya kuhudumia makundi mbalimbali yeye uhitaji hasa katika kipindi hiki cha janga la Virusi vya Corona.

Makundi ya Wazee,Watoto yatima na wale wanaoishi kwenye mazingira magumu kwa sasa ni makundi yanayotajwa kutupiwa jicho la tatu kutokana na hali ya maambukizi mapya ya virusi vya Corona vinavyosababisha homa ya Mapafu (COVID 19) .

Mkurugenzi wa New Life Foundation  Baba Askofu  Glorious Shoo na  Meneja Mradi wanasema  taasisi yao imeliona  suala hilo na kuamua kuanzisha program maalumu kwa ajili ya kungalia makundi ambayo yako kwenye hatari ya maambukizi ,ama walioko kwisha pata maambukizi na wale wasio na uwezo wa kujikinga na maambuzki ya virusi vya Corona .

Msaada wa vifaa hivyo pamoja na chakula vikakabidhiwa kwa Afisa tawala wa wilaya ya Moshi ,Nathaniel Mshana ,kisha askofu wa kanisa la Tanzania Assembless of God  (TAG) ,Glorious Shoo akasema  msaada wa chakula pamoja na vitamins kwa ajili ya wazee hao utakua ni endelevu.

Afisa tawala wa wilaya ya Moshi ,Nathaniel Mshana akatoa neno la shukrani mara baada ya kupokea msaada huo.

Kwa upande wake ,Mwenyekiti wa Mtaa wa Langoni ,Emeresiana Shirima pamoja na Mwakilishi wa wazee  James  Joseph wanaolelewa katika kambi ya wazee ya Langoni wameshukuru taasisi ya New Life Foundtion kwa msaada huo huku wakitoa wito kwa taasisi nyingine kuiga mfano huo.

Kambi ya kulelea Waze ya Longuo iliyopo kata ya mji Mpya katika manispaa ya Moshi kwa sasa ina Wazee 18 ,wazee wa kiume wakiwa 13 na wanawake watano huku msaada wa vitu mbalimbali vikiwemo vyakula na vifaa kinga vya Virusi vya Corona vikihitajika zaidi .