Misikiti kote nchini Iran imepangiwa kufunguliwa Jumanne hatua inayowadia licha ya kwamba baadhi ya maeneo bado yanaathirika vibaya na janga la virusi vya corona.
Hatua hiyo ni miongoni mwa mikakati ya serikali ya kuongeza masharti iliyokuwa imeweka kama njia moja ya kukabiliana na ugonjwa wa Covid-19.
Uamuzi huo unawadia baada ya majadiliano na wizara ya Afya.
Aidha ambacho bado hakijaeleweka ni kwamba baadhi ya maeneo nchini humo bado yana kiwango cha juu cha maambukizi.
Kufikia Jumapili eneo la kusini mashariki mwa Iran lilikuwa limeweka chini kanuni ya kusalia ndani kuzuia kusambaa kwa maambukizi ya virusi vya corona.
Ijumaa iliyopita, mikusanyiko kwasababu ya sala ilikuwa imerejea katika miji 180 yenye kuonekana kuwa na kiwango cha chini cha hatari ya kupata maambukizi baada ya kukatizwa kwa miezi miwili kulingana na kituo cha habari cha taifa.
Kurejelelewa kwa sala ya Ijumaa bado kumepigwa marufuku katika mji wa Tehran na miji mingine mikubwa baada ya kufunguliwa tena kwa misikiti 132 Jumatatu iliyopita katika maeneo ambayo hayakuathirika na virusi vya corona.
Aidha shule zinatarajiwa kufunguliwa wiki ijayo, Rais Hassan Rouhani alisema Jumapili, kulingana na tovuti rasmi ya rais.
Iran tayari imeondoa marufuku ya kusafiri baina ya miji na majengo ya kibiashara huku shughuli za kibiashara zikiwa zimerejelelewa.
Iran, moja ya maeneo ya Mashariki ya Kati yaliyoathirika vibaya na virusi vipya vya corona imeanza kulegeza masharti na kurejelelea maisha ya kawaida ili kufufua uchumi ambao tayari unakumbana na vikwazo vya Marekani.
Hata hivyo maafisa wa afya wameonya kwamba kulegeza masharti kunaweza kusababisha wimbi jengine la maambukizi ya virusi vya corona.
0 Comments