Corona kushusha mapato yanayotokana na utalii mpaka Bilioni 598 endapo itafika Octoba

Wizara ya Maliasili na Utalii imewasilisha bajeti yake ya mwaka 2020/2021 huku ikiweka bayana athari zitakazotokana na uwepo wa ugonjwa wa Corona unaosababishwa na virusi vya homa kali ya mapafu (COVID 19) ikiwemo kushuka kwa makusanyo ya taasisi zilizochini ya wizara hiyo kwa asilimia 75.

Taasisi hizo ni Shirika la Hifadhi la Taifa(TANAPA),mamlaka ya hifadhi ya Ngorongoro(NCAA),Mamlaka ya usimamizi wa unyamapori Tanzania(TAWA) na wakala wa misitu Tanzania(TFS).

Akiwasilisha bajeti Bungeni jijini Dodoma,waziri wa wizara hiyo Dokta Hamisi Kigwangalla amesema endapo hali itatulia mwezi Oktoba 2020 mapato yatokanayo na utalii yanatarajiwa kushuka kutoka shilingi trilioni 2.6 zilizotarajiwa hadi shilingi Bilioni 598.