Wilaya ya Bahi waanza mchakato wa ujenzi wa kiwanda cha kuchakata Ngozi

Wilaya ya bahi Mkoani Dodoma imedhamiria kuwasaidia wafugaji Kufuatia hivi karibuni kuanza kwa mchakato wa Ujenzi wa kiwanda cha Kuchakata  ngozi ili kuwawezesha kujikwamua kiuchumi hatua itakayochochea kufikia  uchumi wa viwanda ifikapo mwaka 2025.

Mbunge wa wilaya ya Bahi Bw,Omary Badwell amesema kuwa moja ya changamoto ambayo imewakabili kwa muda mrefu wafungaji ni ukosefu wa kiwanda cha kuchakata ngozi katika wilaya hiyo ambayo ni miongoni mwa wilaya zenye mifugo mingi Mkoani Dodoma.

Bw,Omary ameongeza kuwa kufuatia changamoto hiyo  wilaya ya bahi  imefanya utaratibu wa kuhakikisha inapata fedha za ujenzi wa kiwanda cha kachakata Ngozi.

Aidha Bw Omary amebainisha kuwa kipindi cha nyuma ngozi zilikuwa hazina thamani kwani ailikuwa zinatumika kulalia pamoja na kuzitupa hivyo wilaya hiyo imeona ngozi ni moja ya fursa amabyo itawapatia ajira vijana na kujikwamua kiuchumi.

Kwa mujibu wa Chama Cha Kusindika Ngozi Tanzania katika taarifa yake mwaka 2017 kilieleza kuwa kuna ukosefu wa ngozi unaofikia zaidi ya asilimia 80, na ngozi inayopatikana ni chini ya asilimia 20 kutokana viwanda vilivyopo kuwa na uwezo mdogo wa kusindika ngozi.