Msanii mpya ndani ya Wasafi Classic Baby (WCB), Zuchu amekuwa na mwanzo mzuri ndani ya lebo hiyo mara baada ya kuachia wimbo wake wa kwanza.

Kwa sasa video ya wimbo wake mpya ‘Wana’ imeweza kutazamwa zaidi mara Milioni 1 kwenye mtandao wa YouTube ndani ya siku mbili.

Hata hivyo video ya wimbo huo imeshindwa kushika nafasi ya kwanza kwenye mtandao huo ambayo kwa sasa inashikiliwa na Alikiba kupitia wimbo wake uitwao Dodo.

Mbali na hilo, leo Aprili 12, 2020 Zuchu anatarajiwa kutoka Extended Play (EP) yake ya kwanza inayokwenda kwa jina la I Am ambayo ina nyimbo nne.

Ikumbukwe WCB ilianza kusaini wasanii mwaka 2015 na msanii wa kwanza alikuwa ni Harmonize ambaye kwa sasa amejitoa kwenye lebo hiyo na kwenda kuanzi.

Baada ya Zuchu kujiunga WCB inafanya lebo hiyo kuwa na jumla ya wasanii sita, wengine ni Rayvanny, Lava Lava, Queen Darleen, Mbosso na Diamond mwenyewe.