Vijana wataka elimu kwa mpiga kura iendelee kutolewa

 

Na Michael Ngilangwa,Njombe

Baadhi ya vijana mkoani Njombe wametaka serikali na mashirika   yasiyo ya kiserikali kuendelea kutoa elimu ya mpiga kura kwa wananchi ili washiriki kupiga kura Octoba 28 mwaka huu.

Rai hiyo imetolewa na vijana mbalimbali mkoani Njombe na kusema elimu ya uchaguzi inapaswa kuendelea kutolewa kila mahali iwe kwenye mikutano ya wananchi na sehemu za ibada.

Mkuu wa Wilaya ya Njombe Bi. Ruth Msafiri amehimiza wananchi  kujitokeza kwa wingi kwenda kupiga kura ifikapo Octoba 28 mwaka  huu kwaajili ya kuwapata viongozi wa kuongoza  miaka  mitano ijayo.

Kwa upande wake mkurugenzi wa jukwaa la vijana Mkoa wa Njombe  bwana Lukha Mgaya amesema wamekuwa wakishirikiana na serikali  kutoa elimu ya uchaguzi kwa vijana na kuhimiza vijana kujitokeza kwa  wingi kwenda kupiga kura.

Akizungumza kwa njia ya simu msimamizi wa uchaguzi mkoa wa Njombe Herman Danda amesema serikali kwa kushirikiana na mashirika binafsi wanaendelea kutoa elimu kwa wananchi ili wajitokeza kwenda kupiga kura ifikapo Octoba 28 mwaka huu.