Njombe:Wajumbe wa baraza la madiwani wapimwa joto la mwili kabla ya kikao

Mkuu wa wilya ya Njombe Ruth Msafiri akipimwa joto la mwili kabla ya kuingia kwenye kikao cha baraza la madiwani halmashauri ya wilaya ya Njombe.

 

Wajumbe  wa baraza la madiwani wakiwa katika kiko cha baraza kilichofanyika katika ukumbi wa shule ya sekondari Mtwango

 

Afisa habari wa halmashauri ya wilaya ya Njombe Lukelo Mshaura akipimwa joto la mwili kabla ya kuingia kwenye kikao cha baraza la madiwani halmashauri ya wilaya ya Njombe.

 

 Mkurugenzi wa halmashauri ya wilaya Ally Juma Ally akipimwa joto la mwili kabla ya kuingia kwenye kikao cha baraza la madiwani halmashauri ya wilaya ya Njombe.

Katibu wa halmashauri ya wilaya ya Njombe Emanuel George akipimwa joto la mwili kabla ya kuingia kwenye kikao cha baraza la madiwani halmashauri ya wilaya ya Njombe.

Na Gabriel Kilamlya,Njombe

Halmashauri ya wilaya ya Njombe imelazimika kuweka kipimo cha joto la mwili wa binadamu kinachoitwa thermo scanner kwa ajili ya kuwapima wajumbe wanaokuwa wanashiriki katika vikao mbalimbali ikiwa ni mkakati mojawapo wa  kupambana na maambukizi ya kirusi cha covid 19 kinachosababisha ugonjwa wa homa kali ya mapafu.

Katika kikao cha baraza la madiwani cha robo ya tatu ya mwaka wa fedha wa 2020/2021 mwenyekiti wa halmashauri ya wilaya ya Njombe Valentino Hongoli amesema kuwa ni lazima mapambano ya virusi vya corona yaendelee kwa kutoa elimu kwa wananchi juu ya kujikinga na ugonjwa huo.

Akitoa salaam za serikali mkuu wa wilaya ya Njombe Ruth Msafiri amewataka wataalam wa afya kuwasimamia wajasiriamali wanaofanyakazi ya kushona barokoa za vitambaa kuhakikisha wanashona zenye ubora unaotakiwa huku akishauri halmashauri kuvitumia vikundi vilivyopo na vinavyonufaika na mikopo ndani ya halmashauri hiyo kujishonea barakoa zao ambazo zinaweza kuuzwa hata nje ya halmashauri.

Veronica Maganga ni mtaalam wa maabara katika kituo cha kutolea huduma za afya cha Mtwango ambaye amekuwa akiwapima joto washiriki wa vikao na madiwani wakati wakiingia kwenye kikao anasema kuwa kipimo hicho kinachosoma kuanzia joto la sentigradi 34 kwenda juu kinasaidia kutambua joto linalotakiwa katika mwili wa binadamu na kubaini dalili moja wapo ya maradhi katika mwili wa binadamu.

Kwa upande wake mganga mkuu wa halmashauri ya wilaya ya Njombe dokta Deusdedit Kalaso upimaji huo ni ni mkakati wa kuhakikisha wanaendelea kukabiliana na virusi vya Corona.

Bado mapambano dhidi ya ugonjwa wa corona yanaendelea nchini kote huku jamii ikitakiwa kuendelea kuzingatia kanuni za wizara ya afya ikiwemo kunawa mikono kwa sabuni na maji tiririka.