Halmashauri ya mji Makambako yapokea vifaa vya kujikinga na Corona

Na Clief Mlelwa,Makambako

Halmashauri ya mji wa Makambako mkoani Njombe imepokea vifaa vya kujikinga na homa kali ya mapafu inayosababishwa na virusi vya Corona kutoka kwa baadhi ya wafanyabiashara mjini humo vyenye thamani ya milioni moja laki saba na elfu sitini na tano.

Akizungumza wakati akipokea vifaa hivyo mwenyekiti wa halmashauri ya mji wa makambako Hanana Mfikwa amewashukuru wafanyabiashara hao kwa kutoa vifaa hivyo na kueleza kuwa jamii inatakiwa kuungana kwa pamoja katika kukabiliana na janga hili la corona badala ya kuiachia serikali ama watu wachache.

Mganga mkuu wa halmashauri ya mji wa Makambako Alexndaer Mchone amesema kuwa atahakikisha vifaa hivyo vinatumika sehemu husika na amewataka wananchi kuendelea kuchukua tahadhili kwa kuepukana na mikusanyiko isiyo ya lazima na kutoa taarifa pindi wanapo pokea wageni kutoka kwenye maeneo ambayo yameathirika na corona.

Naye mwenyekiti wa jumuiya ya wafanyabiashara mkoa wa Njombe Siphael Msigala amesema kuwa wafanyabiashara ambao wametoa vifaa hivyo kwa awamu ya kwanza ni wale wafanyabiashara wa soko kuu la mazao na wale wenye milango stendi ya zamani na baadhi yao ambao wapo nje ya soko hilo.

Hata hivyo mwenyekiti wa soko kuu Makambako Bwanakijiji Sanga  na mwenyekiti wa stendi ya zamani Nasa Kyando wamesema kuwa wameamua kuchangia vifaa hivyo ili kukabiliana na virusi vya Corona