Msanii mpya ndani ya Lebo ya Wasafi Classic Baby (WCB), Zuchu ametangaza kuachia Extended Play (EP) yake ya kwanza tangu kuingia kwenye muziki.

 Aprili 8 mwaka huu Diamond alimtambulisha Zuchu ndani ya WCB na mapema jana akaachia wimbo wake mpya unaokwenda kwa jina la Wana.

 Wakati akiendelea kufanya vizuri na wimbo huo, Zuchu ametangaza ujio wa EP yake kwa jina ‘I am Zuchu’ itakayozinduliwa na kuingizwa sokoni Aprili 12 mwaka huu.

Ikumbukwe Februari mwaka huu msanii mwengine wa WCB, Rayvanny aliachia EP yake inayokwenda kwa jina la Flowers ikiwa na nyimbo nane. Zuchu ataungana na wasanii wengine wa Bongo Fleva waliotoa EP kwa kipindi cha hivi karibuni. Wasanii hao ni kama Mimi Mars, Harmonize, Barnaba, Lulu Diva na wengineo