Msanii wa muziki Bongo kutokea King’s Music, Alikiba ameeleza kufurahishwa sana na namna mwanamitindo Hamisa Mobetto alivyojimwaga kwenye video ya wimbo wake mpya Dodo.

 Akizungumza na kipindi cha Alasiri Lounge cha Azam TV, Alikiba amesema Hamisa alifanya jitihada sana kuhakikisha video hiyo inatoka vizuri.

 “Nimefurahi Hamisa alivyotumia nguvu yake na kufanya vizuri, amecheza nafasi nzuri sana alikuwa anajua kitu gani anafanya, kwa hiyo mambo yameenda vizuri na watu wamependa,” amesema Alikiba.

 Katika hatua nyingine Alikiba amesema yeye hakujua kama anaenda kufanya video ya wimbo huo na Hamisa Mobetto, bali timu yake ndio ilipanga hilo na alivyoenda Zanzibar ndipo akakutana na mrembo huyo kitu ambacho kilikuwa kama sapraizi kwake kwa wakati huo.

 Video ya wimbo ‘Dodo’ hadi sasa imeweza kutazamwa (views) zaidi mara Milioni 1 kwenye mtandao wa YouTube, huku ikifanikiwa kushika nafasi ya kwanza kwenye mtandao huo kwa nchi za Tanzania, Kenya na Uganda.