Hizi ndio nyimbo zinazopatika kwenye EP ya Zuchu

Na Peter Akaro

Sasa ni rasmi imetambulika kuwa Extended Play (EP) ya msanii mpya wa WCB, Zuchu itakuwa na nyimbo tano.

EP hiyo inayokwenda kwa jina la I Am Zuchu inatarajiwa kutoka hapo kesho Aprili 12, 2020. Nyimbo hizo ni kama hakuna kulala,Nisamehe, Kwaru, Wana na Raha.

Aprili 8 mwaka huu ndipo Diamond alimtambulisha Zuchu ndani ya WCB na mapema juzi akaachia wimbo wake mpya unaokwenda kwa jina la Wana.

Ikumbukwe Februari mwaka huu msanii mwengine wa WCB, Rayvanny aliachia EP yake inayokwenda kwa jina la Flowers ikiwa na nyimbo nane.

Zuchu ataungana na wasanii wengine wa Bongo Fleva waliotoa EP kwa kipindi cha hivi karibuni.Wasanii hao ni kama Mimi Mars, Harmonize, Barnaba, Lulu Diva na wengineo