Corona:Wanawake wa CCM Njombe (UWT) wahimiza kulinda familia

Na Michael Patrick

 

Wanawake wamehimizwa kuwa mfano kulinda watoto na watu wengine kuchukua tahadhari ya maambukizi ya virusi vya Corona.

 

Wito huo umetolewa na mwenyekiti wa jumuiya ya wanawake UWT mkoa wa Njombe,Rosemary Lwiva  katika kikao maalum cha kujadili taarifa ya utekelezaji wa ilani ya Chama Cha Mapinduzi CCM.

 

Mbele ya wajumbe wa umoja wa wanawake UWT mkoa wa Njombe, mbunge wa viti maalum mkoa wa Njombe Dkt. Suzan Kolimba amewasilisha taarifa ya utekelezaji wa Ilani ya Chama Cha Mapinduzi CCM mkoa wa Njombeo kwa kipindi cha miaka mitano, huku zaidi ya shilingi milioni mia tatu na hamsini amesema zimetumika kuboresha miradi ya elimu, afya na ujasiriamali katika halmashauri Sita za mkoa huo.

  

Katika kikao hicho, janga la Corona limepewa kipaumbele ambapo wanawake wakiwa kama walezi wa jamii wamehimizwa kutimiza wajibu wao kuzuia kuenea kwa maambukizi ya virusi vya Corona.