Kabila la Abidat la mkoa wa Cyrenaica mashariki mwa Libyai limekosoa ukiukaji wa wanamgambo Khalifa Haftar, kiongozi wa vikosi haramu vinavyojiendesha mashariki mwa nchi.
Kabila la Abidat, ambalo ni moja ya makabila makubwa yanayojulikana mashariki mwa nchi, lilitoa taarifa kwa Rais wa Baraza la Wawakilishi Akile Salih ambaye pia ni mwanachama, kwa njia ya video.
Kaika taarifa hiyo iliyochapishwa kwenye mitandao ya kijamii, ilisemakana kwamba vitendo kama vile utekaji nyara, kuwekwa kizuizini, kuua na kuvamia nyumba vilipingwa katika mkutano uliofanyika na ushiriki wa wawakilishi wa kabila hilo katika mkoa wa Cyrenaica.
Taarifa hiyo pia ilitaka mamlaka ya mahakama na vikosi vya usalama kuchukua hatua juu ya wahusika na kuanzisha uchunguzi kuhusu utekaji nyara na mauaji ya wanaharakati wa kisiasa.
Taarifa hiyo, ambayo iliomba kuachiliwa kwa watu wa kabila la Abidat ambao walizuiliwa, pia ilitoa wito wa kurudisha mali zilizoibwa za raia wa Derne na Benghazi na kurejeshwa kwa wale waliohamishwa.
Makabila katika mkoa wa Cyrenaica pia yaliwahi kutoa wito wa kuondolewa kwa wanamgambo wa Haftar kutoka Benghazi mnamo Machi 15.
Mnamo Machi 18, ilitangazwa kuwa miili ya watu 11 wasiojulikana ilipatikana katika mji wa Benghazi uliokuwa chini ya udhibiti wa Haftar.
0 Comments