Askofu mkuu wa kanisa la KKKT akabidhi msaada wa fedha milioni 63 Njombe

 

Na Amiri Kilagalila,Njombe

Ili kuinua uchumi wa familia na jamii kanisa la KKKT makao makuu limetoa msaada wa fedha shilingi million 63 kwa wananchi katika wilaya za wangingombe na makete  mkoani Njombe kwa ajili ya kuendeleza shughuli zao za ujasiriamali na kilimo cha parachichi.

Akikabidhi hundi kwa maaskofu wa dayosisi za Kusini kati Njombe na dayosisi ya kusini mgharibi  askofu mkuu wa kanisala KKKT  Dkt ,Fredrick Shoo amesema msaada huo unalenga kuwainua wanufaika kiuchumi hasa wanawake .

“Kipato kinapoongezeka basi hata hali ya maisha inakuwa naafuu kwa kumudu matibabu,elimu na hata kuwa na chakula cha kutosha ,niombe wahusika na walengwa waweze kutumia mradi huu vizuri” Dkt ,Fredrick Shoo Askofu mkuu wa KKKT

“Kanisa linahubiri Injiri kwa maneno na matendo wakati wachungaji wetu wanahubiri Injili madhabahuni na mradi huu unapita kuhubiri kwa njia ya vitendo kwa kuimarisha na kuboresha uchumi na katika mradi huu maeneo mengine kanisa linatoa mradi wa Ng’ombe bora wa maziwa”alisema Patricia Mwaikenda mratibu wa mpango wa maisha endelevu kanisa la KKKT

Maskofu kutoka dayosisi zenye wanufaika wa msaada huo wameeleza namna utakavyo kuwa chachu ya maendeleo

“Ni hatua kubwa sana kwa kanisa kutembea na watu wake kiuchumi na sio kiroho tu na msaada huu utawatoa kutoka hatua moja kwenda hatua nyingine katika kujikimu na kuleta maendeleo ya maisha yao” Dkt,Marc George Fihavango askofu wa dayosisi ya kusini

“Hela mlizotupa tunashukuru sana na tunaamini tutafanikiwa ili pia na wenzetu ambao bado hawajapata waweze kunufaika”alisema Luhwishye Chengula mnufaika kutoka Ikuwo Makete

Wanufaika na msaada huo unaotolewa na kanisa ni Pamoja na wanawakewajasiria mali  waliko katika vikundi na wakulima wa matunda aina ya parachichi.