Dkt,Philip Filikunjombe ajitosa kuchukuwa fomu ya Ubunge Ludewa

Na Amiri Kilagalila,Njombe

Mwanasheria mwandamizi wa mamlaka ya mawasiliano Tanzania (TCRA) Dkt,Philip Filikunjombe amejitokeza ofisi za Chama hicho wilaya ya Ludewa Mkoani Njombe  na kuchukuwa fomu ya kuomba  ridhaa ya chama hicho kugombea ubunge wa jimbo la Ludewa.

Filikunjombe  Amekuwa mtia nia namba 8 kuchukuwa fomu mapema asubuhi ya leo July 7 mara baada ya pazia la uchukuaji wa fomu ndani ya chama hicho kufunguliwa huku watia nia kadhaa kutangulia akiwemo Mbunge Deo Ngalawa aliyemaliza muda wake.

Bakari Mfaume ni katibu wa Chama cha Mapinduzi CCM wilaya ya Ludewa,amesema iadadi ya wgombea waliofika kuchukuwa fomu ya Ubunge wamefikia 8 na wengine wakiendelea kujitokeza licha ya kuwa leo ni siku ya mwanzo huku fomu za udiwani zikitolewa kwenye kata husika.

“Watu wamejitokeza pamoja na kwamba leo ni siku ya mwanzo na zoezi la kuchukuwa fomu za udiwani wa kata zinafanyika kwenye kata zenyewe.lakini kwa udiwani viti maalumu katibu wa UWT wilaya ndiye anayeshughulikia kuchukuwa hizo fomu na mpaka sasa zoezi limeanza na linaendelea vizuri”amesema Mfaume

Aidha Katibu emepiga ametoa wito kwa wgombea kuendelea kufuata sheria na utaratibu wa Chama hicho ikiwemo wanachama kutoruhusiwa kufika katika ofisi na mbwe mbwe za aina yoyote.

“Yako mambo ambayo haturuhusu na mambo ambayo tuna ruhusu,katika uchaguzi huu wa nadani wa kumoata mgombea haturuhusu mwanachama kusindikizwa na watu,kwasababu huu ni uchaguzi wa ndani na sisi tunaamini wanachama wote ni sawa lakini vile vile tunakataza kufanya kampeni za aina yoyote kuanzia kuweka katika mitandao au kuwa na vipeperushi au kuwatembelea wanachama”aliongeza katibu.

Wakati zoezi hilo likiendelea wilayani Ludewa taarifa zinaeleza kuwa katika majimbo mengine ya uchaguzi mkoani Njombe likiwemo jimbo la Makete kwa mujibu wa katibu wa chama hicho wilaya wamefika wagombea 20,Jimbo la Njombe mjini wagombea 8 huku jimbo la Wanging’ombe wakiwa wamefika wagombea 17 na zoezi linaendelea.

Aidha wakati zoezi hilo kwa Chama cha Mapinduzi likionekana kuendelea vizuri  mkoani Njombe,kituo hiki kimefika katika ofisi za Chama cha Demokrasia na maendeleo Chadema wilaya ya Ludewa na kushuhudia wajumbe wa chama hicho wakiendelea na zoezi la kura za maoni za kumpata mgombea wao ambapo amepatikana mmoja pekee atakayepigiwa kura za ndio au hapana.