Ikiwa zimepita siku kadhaa tangu kumpoteza nguli na mwandishi wa habari Marin Hassan Marin,shirika la utangazaji Tanzania (TBC) limewapoteza manguli wengine wawili ndani ya shirika hilo.Marehemu hao ni Joseph Kambanga (Meneja TEHAMA) na Lutengano Haonga (Mwandishi Mwandamizi).

Kupitia ukurasa wake wa twita, mkurugenzi wa mawasiliano Ikulu Ndg.Gerlson Msigwa ameandika

 “Ni uchungu mkubwa kuwapoteza Joseph Kambanga “Jenerali” (Meneja TEHAMA – TBC) na Lutengano Haonga (Mwandishi wa habari mwandamizi – TBC).Ni mtihani mzito kwa wana familia wenzangu wa TBC. Laleni salama kaka zangu,kamwambieni Marin Hassan kuwa ARIDHIO inachanja mbuga.”

 Marehemu Joseph Bernward Kambanga atazikwa leo saa 4 asubuhi, Mloganzila.Ndugu wachache tu wataruhusiwa kuhudhuria mazishi ikiwa ni pamoja na mke wake na watoto wake.Wizara ya Afya itaratibu mazishi yake.