Uturuki yalaani hatua za Uigiriki baada ya sala katika jengo la Hagia Sophia

Wizara ya mambo ya nje ya Uturuki imelaani taarifa za maafisa wakuu wa Ugiriki na maandamano yaliofanywa nchini humo baada ya waislamu kufanya sala katika jengo maarufu la Haggia Sophia.

 Sala hiyo ya Ijumaa ilifanyika jana kwa mara ya kwanza katika kipindi cha miongo tisa.Msemaji wa wizara hiyo Hami Aksoy amesema kwa mara nyingine Ugiriki imeonyesha pingamizi kali dhidi ya uislamu na Uturuki kwa kisingizio cha kukasirishwa na hatua za kufunguliwa msikiti huo wa Hagia Sophia kwa ajili ya kuendesha sala.

Wakati wa maadhimisho ya miaka 46 ya kudumishwa kwa demokrasia nchini Ugiriki, waziri mkuu wa nchi hiyo Kyriakos Mitsotakis aliitaja hatua ya Uturuki ya kulibadi jengo hilo kuwa uchokozi na fedheha kwa ustaarabu katika karne hii ya 21.

Lawama za Ugiriki kuhusu kugeuzwa kwa jengo la Hagia Sophia na kuwa msikiti baada ya jengo hilo kutumika kwa miongo kadhaa kama makavazi, zimezusha mvutano kati ya Ugiriki na Uturuki.